ນິໄສ5ປະເພດຂອງຄົນ

ວິທີຈັດວ່າໃຜເປັນຄົນແບບໃດ ຖ້າຫຼິ້ນນໍາໝູ່ນັ່ງເປັນກຸ່ມແລ້ວໃຫ້ໝູ່ເດົາວ່າເຮົາເປັນຄົນແບບໃດຈະມ່ວນສຸດ ເພາະຄົນອື່ນຈະເບິ່ງເຫັນຕົວເຮົາໃນຈຸດທີ່ເຮົາບໍ່ໄດ້ຕັ້ງໂຕໄດ້ດີກວ່າເຮົາເອງ ( ແລະ ກະຈະໄດ້ຮູ້ວ່າໝູ່ຄິດແນວໃດກັບເຮົາ)🤭

ເຮົາມາເບິ່ງນໍາກັນເລີຍນິໄສ 5 ປະເພດຂອງຄົນມີຫຍັງແດ່:

1 . Calm type ຜູ້ຮັກສະຫງົບ ແລະ ມັກຈຸດຢືນ

ຄົນກຸ່ມນີ້ຈະຢູ່ໃນລະຫວ່າງ ” ສະບາຍໃຈ” ແລະ “ເກັບຕົວ ບໍ່ວົນນໍາໃຜ”ມີລັກສະນະເດັ່ນຄື:

• ມີແນວຄິດ ແລະ ຫຼັກການໃຊ້ຊີວິດເປັນຂອງຕົນເອງ
• ຕັດສິນໃຈເດັດຂາດ ແລະ ມີທາງເລືອກທີ່ຊັດເຈນ
• ຂີ້ດື້ ບໍ່ຍອມໃຜ
• ບໍ່ໄປຕາມກະແສ ແລະ ເຊື່ອຄົນຍາກ
• ເນື່ອງຈາກມີມຸມມອງຕໍ່ໂລກ ຕໍ່ສັງຄົມການໃຊ້ຊີວິດເປັນຂອງຕົວເອງ ດັ່ງນັ້ນຈຶ່ງບໍ່ຄ່ອຍເຮັດຫຍັງທີ່ຂັດກັບຕົວເອງ, ຖ້າຢູ່ໃນອົງກອນ ຫຼື ບໍລິສັດໃດມີຄົນປະເພດນີ້ ກໍຈະເຮັດໃຫ້ບັນລຸເປົ້າໝາຍໄດ້.

2. Director type ຜູ້ນໍາທີ່ລ່າເລີງ

ຄົນກຸ່ມນີ້ຈະຢູ່ລະຫວ່າງ “ສະບາຍໃຈ” ກັບ “ກ້າສະແດງອອກ ຫຼື ເປີດເຜີຍ ” ລັກສະນະເດັ່ນຄື:
• ກະຕືລືລົ້ນ ແລະ ມີພະລັງຊີວິດສູງ
• ມີຄວາມໝັ້ນໃຈໃນຕົວເອງສູງ
• ຕື້ເກັ່ງ ຈີບໃຜກະຕິດ
• ບໍ່ເຂີນອາຍ
ເປັນຄົນທີ່ສົດໃສ ມີຄວາມເປັນຜູ້ນໍາຢູ່ໃນຕົວ ໃສ່ໃຈຄົນຮອບຂ້າງ ມັກສະແດງ ທີ່ສໍາຄັນຄົນກຸ່ມນີ້ເປັນຄົນບໍ່ມັກຢູ່ລ້າໆ ມັກເຮັດນັ້ນ ເຮັດນີ້ຕະຫຼອດສາມາດປັບຕົວເຂົ້າຕາມສະຖານະການ ແລະ ຜູ້ຄົນໄດ້ດີ ຄົນກຸ່ມນີ້ສ່ວນຫຼາຍຈະເປັນອາຈານ, ນັກທຸລະກິດ, ດາລາ, ນັກສະແດງ

3. Eccentric type ຄົນໂລກສ່ວນໂຕສູງ

ຄົນກຸ່ມນີ້ຈະຢູ່ໃນຊ່ວງລະຫວ່າງ”ກັງວົນ” กับ “ເກັບຕົວ ບໍ່ວົນໃຜ” ລັກສະນະເດັ່ນຄື:
• ຂີ້ກັງວົນ ຢ້ານນັ້ນຢ້ານນີ້ ຈິດໃຈບໍ່ຄ່ອຍສະຫງົບ
•ມີໂລກສ່ວນໂຕສູງ
• ມັກເກັບກົດ ແລະ ເວລາໄດ້ຮ້າຍຈະຄວບຄຸມອາລົມຕົວເອງບໍ່ໄດ້
• ມັກທຸ້ມເທ ແລະ ເອົາໃຈໃສ່ສະເພາະເລື່ອງທີ່ຕົນເອງມັກ
ຈະບໍ່ຄ່ອຍອາລົມເສຍ ຍ້ອນເປັນຄົນທີ່ມັກກັງວົນ ຈຶ່ງມັກຈະຢູ່ໃນບ່ອນທີ່ປອດໄພ ຫຼື ໂລກຂອງຕົນເອງ ແລະ ມັກຈະຫຼົງເກັບຄວາມຄຽດໄວ້ໂດຍບໍ່ຮູ້ຕົວ ແລະ ຈະລະບາຍຄວາມຄຽດອອກມາໃນທາງທີ່ຄິດບໍ່ເຖິງ ແຕ່ຍ້ອນເປັນຄົນທີ່ມີຈິດໃຈບໍ່ໝັ້ນຄົງ ຈຶ່ງເຮັດໃຫ້ເຫັນອົກເຫັນໃຈຄົນອື່ນເປັນຢ່າງດີ.

4. Blacklist type ເປັນຄົນເປີດເຜີຍ

ຄົນກຸ່ມນີ້ “ກັງວົນ” ກັບ “ກ້າສະແດງອອກ ເປີດເຜີຍ” ລັກສະນະເດັ່ນຄື:
•ອາລົມ,ໃຈດີ, ເຫງົາ,ເສົ້າ, ຄຽດ, ຮຸນແຮງຫຼາຍ
• ອາລົມແປປ່ວນ
• ການກະທໍາມັກຈະເປັນທີ່ສະດຸດຕາຂອງຄົນອື່ນ
• ການສະແດງອອກດີ
ຈັດວ່າເປັນກຸ່ມຄົນທີ່ອາລົມດີເປັນພິເສດ ເຮັດໃຫ້ມັກໄປປະຈົນໄພ ທ້າທາຍແນວໃໝ່ໆ ເປັນຄົນສົນໃຈໂລກພາຍນອກ ມັກສັງເກດພຶດຕິກໍາຄົນຮອບຕົວ ແລະ ແຄຣຄົນອື່ນ.

5. Average type ຄົນທໍາມະດາ ທີ່ບໍ່ທໍາມະດາ

ຄົນກຸ່ມນີ້ຈະຢູ່ລະຫວ່າງກາງສຸດ ລັກສະນະເດັ່ນຄື:
• ເປັນຄົນອ່ານບັນຍາກາດ , ປະເມີນອາລົມຂອງຄົນອ້ອມຂ້າງໄດ້ດີ ແລະ ວາງໂຕເໝາະສົມກັບກາລະເທສະໄດ້ດີ.
• ປັບຕົວເຂົ້າກັບຄົນອື່ນໄດ້ດີ
• ມີທັກສະທາງສັງຄົມດີ
• ບໍ່ຄ່ອຍເວົ້າຄວາມໃນໃຈ ແລະ ເລື່ອງຕົນເອງອອກມາ
ຄົນທໍາມະດາສາມັນ ແຕ່ເປັນກຸ່ມຄົນທີ່ສໍາຄັນ ແລະ ຂາດບໍ່ໄດ້ເລີຍໃນສັງຄົມ, ບໍ່ແມ່ນວ່າທໍາມະດາແລ້ວຈະບໍ່ມີຈຸດເດັ່ນຫຍັງ ,ແຕ່ເປັນທີ່ສໍາຄັນທີ່ມີຄວາມສົມບູນແບບໃນຕົວ, ເປັນຄົນທີ່ເຮັດໃຫ້ບັນຍາກາດບໍດີ ກາຍມາເປັນບັນຍາກາດດີໄດ້ ເພາະເປັນຄົນທີ່ຢູ່ໃຈກາງຂອງທຸກກຸ່ມຄົນ ຈຶ່ງເຮັດໃຫ້ເຂົ້າອົກເຂົ້າໃຈອີກ 4 ກຸ່ມຄົນ, ແຕ່ບາງຄັ້ງກໍໃສ່ໃຈຄົນອື່ນຫຼາຍເກີນໄປ ຈົນບໍ່ສາມາດສະແດງຄວາມຄິດເຫັນທີ່ຕົນເອງຕ້ອງການໄດ້.

ແຫຼ່ງຂໍ້ມູນ: https://www.marumura.com/5-habits/

Credit: https://www.marumura.com/5-habits/

ຮຽບຮຽງໂດຍ: ເຈດຈໍານົງ ວົງພັນສີ

ປະຫວັດຄວາມເປັນມາຂອງບຸນປີໃໝ່ລາວ ແລະ ນາງ ສັງຂານ

ປີໃໝ່ລາວ ໃນທຸກໆປີໄວລຸ້ນຍຸກໃໝ່ຕ່າງກໍເຂົ້າໃຈພຽງແຕ່ວ່າ ເປັນບຸນປະເພນີຂອງ ປະເທດລາວ ຂອງເຮົາທີ່ມີແຕ່ບູຮານນະການທີ່ສືບທອດກັນມາຕັ້ງແຕ່ຍຸກກ່ອນໆ, ແຕ່ຮູ້ບໍ່ວ່າ ບຸນປີໃໝ່ລາວ ເພິ່ນມີເລື່ອງເລົ່າກ່ຽວກັບ ປະເພນີບຸນປີໃໝ່ລາວ ທີ່ປະຊາຊົນລາວປະຕິບັດສືບກັນມາແຕ່ສະໄໝບູຮານຈົນມາຮອດປັດຈຸບັນ ເຊິ່ງເລື່ອງທັງໝົດກໍມີຢູ່ວ່າ:

ໃນສະໄໝພຸດທະການ ມີລູກຊາຍເສດຖີຄົນຫນື່ງຊື່ວ່າ ທຳມະບານກຸມມານ ຮຽນຈົບໄຕເພດ ໂຫລາສາດ ຊູສາດ ແລະ ພາສາສາດ ມີຄວາມຮູ້ເໜືອມະນຸດທັງປວງ ຮູ້ຮອດພາສາສັດຕ່າງໆ ລວມທັງພາສານົກ ຄວາມເກັ່ງກ້າສາມາດ ຂອງ ທຳມະບານກຸມມານ ໄດ້ຊ່າລືໄປເຖິງພະຍາພົມຢູ່ບົນສະຫວັນ ໃນຕອນນັ້ນມີພະຍາພົມອົງຫນື່ງທີ່ເປັນເຈົ້າແຫ່ງພົມ ແລະ ເທວະດາຟ້າແຖນທັງຫລາຍ ຊື່ວ່າພະຍາກາບິນລະພົມ ຄິດຢາກລອງຄວາມຮູ້ຂອງທຳມະບານກຸມມານ ຈິ່ງເຫາະລົງມາ ສູ່ໂລກ ໄປພົບທຳມະບານກຸມມານ ຢູ່ຫໍຜາສາດຊັ້ນທີ 7 ພະຍາກາບິນລະພົມ ໄດ້ຕັ້ງຄຳຖາມສາມຂໍ້ ເຊິ່ງຄໍາຖາມມີຢູ່ວ່າ: “ລາສີຂອງຄົນ ໃນຕອນເຊົ້າ, ຕອນສວາຍ ແລະ ຕອນແລງຢູ່ໃສ?” ເວົ້າແລ້ວກໍພັດນັດຫມາຍກັບທຳມະບານກຸມມານວ່າ ອີກ 7 ວັນ ຈະລົງມາເອົາຄຳຕອບ ຖ້າຕອບບໍ່ໄດ້ ທຳມະບານກຸມມານ ຈະຖືກຕັດຄໍ ຖ້າຫາກຕອບຖືກພະຍາກາບິນລະພົມ ຈະຍອມ ໃຫ້ຕັດຄໍຂອງຕົນ ເວົ້າແລ້ວກໍເຫາະຂື້ນສູ່ສະຫວັນ ເພື່ອສະເຫວີຍຄວາມສຸກທີ່ມີນາງນັກສະຫນົມກົມມະວົງ ນັບພັນ ນັບຫມື່ນຢູ່ອ້ອມຂ້າງ.

ຫລັງຈາກພະຍາກາບິນລະພົມ ກັບເມືອແລ້ວ ທຳມະບານກຸມມານ ກໍຄິດຄົ້ນຫາລາສີຂອງຄົນຢູ່ໃສໃນແຕ່ລະເວລາ ຕາມທີ່ ກາບິນລະພົມຕັ້ງບັນຫາໄວ້ ຄຳພີດີກາມີຢູ່ໃສ ກໍຊອກຄົ້ນຫມົດກໍບໍ່ມີຢູ່ບ່ອນໃດທີ່ໃຫ້ຄຳຕອບ ຄົ້ນຄິດທັງເວັນ ແລະ ຄືນ ຈົນບໍ່ໄດ້ຢູ່ໄດ້ກິນ ຕົນໂຕຈ່ອຍຜອມລົງຊັກໄຊ້ ກໍຊອກບໍ່ເຫັນຢູ່ບ່ອນໃດ ເມື່ອຮູ້ໂຕວ່າຈະຖືກຕັດຄໍຢ່າງແນ່ນອນແລ້ວ ຈິ່ງຕັດ ສິນໃຈເປັນຄັ້ງສຸດທ້າຍວ່າ ຕົນເປັນລະດັບນັກປາດມີຊື່ສຽງໂດ່ງດັງໄປທົ່ວໂລກຈະຍອມໃຫ້ຕັດຄໍໃຫ້ເສຍຊື່ເຮັດຫຍັງ ແຫນງສູ້ ໄປຕາຍເອງດີກວ່າ.

ໃນເວລານັ້ນ ເປັນມື້ທີ 6 ຕາເວັນພໍຈະຕົກດິນ ທຳມະບານກຸມມານກໍພາຮ່າງກາຍອັນຈ່ອຍຜອມຍ່າງໂຊເຊລົງຈາກຜາສາດ ມຸັງຫນ້າເຂົ້າປ່າ ເມື່ອຮູ້ສຶກວ່າຈະຍ່າງບໍ່ໄຫວຈິ່ງໂຍບນັ່ງລົງທີ່ຕົ້ນຕານຕົ້ນຫນື່ງ ເພື່ອລໍຖ້າເວລາການສິ້ນລົມຫາຍໃຈຢູ່ທີ່ນັ້ນ ແຕ່ສະຫວັນເປັນໃຈ ຢູ່ເທິງຕານຕົ້ນນັ້ນ ມີນົກອິນຊີສອງຜົວເມຍອາໄສຢູ່ ໃນຍາມນັ້ນເປັນຍາມເດິກງຽບສະຫງັດ ນົກອິນຊີ ສອງຜົວເມຍໄດ້ລົມກັນເລື່ອງການໄປຫາກິນໃນມື້ອື່ນນົກໂຕເມຍໄດ້ຖາມວ່າ ມື້ອື່ນຈະໄປຫາກິນທາງໃດ? ຜົວກໍ່ຕອບວ່າ ມື້ອື່ນບໍ່ຕ້ອງໄປໃສດອກ ຖ້າກິນຊີ້ນມະນຸດຢູ່ເມືອງນີ້ລະ ໂຕເມຍຖາມຂື້ນວ່າ ມີມະນຸດຢູ່ໃສມາໃຫ້ພວກເຮົາກິນ? ນົກໂຕຜົວ ໄດ້ຕອບວ່າ ພະຍາກາບິນລະພົມ ຈະລົງມາຕັດຄໍ ທຳມະບານກຸມມານ ແລ້ວພວກເຮົາຊິໄດ້ກິນຊີ້ນເຂົາ ນົກໂຕເມຍເວົ້າຂຶ້ນວ່າ ໄປຕັດຄໍເຂົາເຮັດຫຍັງ? ຜົວ ຕັດລະບໍ ແນວວ່າຕອບບັນຫາເພີ່ນບໍ່ໄດ້ ເມຍຖາມບັນຫາມີແນວໃດ? ຍາກແທ້ຫວະ? ຜົວມັນຊິຍາກຫຍັງ! ແຕ່ທຳມະບານກຸມມານຮຽນບໍ່ເຖິງກໍເລີຍຕອບບໍ່ໄດ້ ເພີ່ນຖາມວ່າສີລິຄົນຢູ່ໃສໃນຍາມເຊົ້າ ຍາມສວາຍ ແລະ ຍາມແລງ ເມຍຖາມຕື່ມວ່າ ຄັນຊັ້ນເຈົ້າຮູ້ບໍ່ວ່າທັງສາມເວລານັ້ນ ສີລິຂອງຄົນຢູ່ໃສ

ຜົວກໍເວົ້າວ່າ: ເປັນຫຍັງຊິບໍ່ຮູ້ງ່າຍຊິ ຕາຍ

ເມຍ: ຄັນຊັ້ນເວົ້າໃຫ້ຂ້ອຍຟັງແດ່ດູ

ຜົວ: ເວົ້າບໍ່ໄດ້ ເດີກດື່ນແລ້ວນອນສາກ່ອນ

ເມຍ: ບໍ່!ບໍ່! ຄັນເຈົ້າບໍ່ເວົ້າໃຫ້ຟັງ ຂ້ອຍຊິກັ້ນໃຈຕາຍປະເຈົ້າ

ຜົວຂີນຄຳເມຍບໍ່ໄດ້ ກໍເລີຍເວົ້າອອກວ່າ: “ຕອນເຊົ້າລາສີຂອງຄົນຢູ່ທີ່ຫນ້າ ຄົນຈຶ່ງມັກສວ່າຍຫນ້າ ລ້າງຕາ, ຕອນສວາຍຢູ່ຫນ້າເອີກຄົນເຮົາ ຈິ່ງມັກເອົານ້ຳລູບຫນ້າເອີກ ຫລື ລ້າງຕົນໂຕເລົາຄີງ, ສ່ວນຕອນແລງລາສີຢູ່ທີ່ ຕີນ ຄົນ ຈິ່ງມັກລ້າງຕີນກ່ອນເຂົ້ານອນ. ດັ່ງໄດ້ກ່າວໃນຕອນຕົ້ນແລ້ວ ທຳມະບານກຸມມານ ຮູ້ພາສານົກ ດັ່ງນັ້ນ ຄຳສົນທະນາ ຂອງສອງຜົວເມຍນົກອິນຊີປຽບເຫມືອນສິ່ງສັກສິດ ຊ່ວຍໃຫ້ທຳມະບານກຸມມານລອດຄວາມຕາຍຢ່າງປະຕິຫານ ເຂົາຟ້າວ ລຸກຈາກຮົ່ມຕານແລ່ນກັບຄືນຫໍຜາສາດ ດ້ວຍຄວາມສຸກໃຈຫາອັນປຽບບໍ່ໄດ້ ເຊົ້າຕໍ່ມາແມ່ນວັນຖ້ວນ 7 ພະຍາກາບິນລະພົມ ກໍລົງມາເອົາຄຳຕອບຕາມການນັດຫມາຍ ເມື່ອໄດ້ຟັງຄຳຕອບຂອງທຳມະບານກຸມມານ ກໍເຮັດໃຫ້ພະຍາກາບິນລະພົມ ຕົກ ສະທ້ານຢ່າງໃຫຍ່ ແຕ່ຊິເຮັດແນວໃດ ໃນເມື່ອຕົນໄດ້ເອີ່ຍປາກໃຫ້ຄຳຫມັ້ນສັນຍາ ທ້າພະນັນຂັນຕໍ່ ໃຫ້ຕັດຄໍກ່ອນ ຈິ່ງຍອມ ໃຫ້ຕັດຄໍຂອງຕົນ ເພື່ອບໍ່ໃຫ້ເສຍສັດຈະທີ່ໄດ້ໃຫ້ໄວ້ ກັບມະນຸດຜູ້ຫນຸ່ມນ້ອຍຄົນນີ້.

ພະຍາກາບິນລະພົມ ມີລິດເດດເກັ່ງກ້າ ເຫນືອກວ່າເທວະດາ ແລະ ມະນຸດທັງປວງ ຖ້າຫົວ ແລະ ເລືອດລົງດິນກໍຈະເກີດ ໄຟມະໄລກັນໄຫມ້ໂລກທັງໂລກ ຖ້າໂຍນຫົວຂື້ນສູ່ເວຫາກໍຈະໄຫມ້ອາກາດ ເຮັດໃຫ້ມວນມະນຸດ ແລະ ສັດສາວາສິ່ງ ໝົດອາກາດຫາຍໃຈ ຖ້າໂຍນຫົວລົງນ້ຳ ກໍຈະເຮັດໃຫ້ແມ່ນ້ຳຄົງຄາ ມະຫາສະຫມຸດແຫ້ງຂອດ ເກີດເປັນໄພແຫ້ງແລ້ງຂົມຂູ່ ຕໍ່ມວນມະນຸດທົ່ວໂລກ ດັ່ງນັ້ນ ເພື່ອຊ່ວຍໃຫ້ມວນມະນຸດພົ້ນຈາກໄພພິບັດ ກ່ອນຈະຖືກຕັດຄໍ ພະຍາກາບິນລະພົມ ຈິ່ງເອີ້ນ ເອົາລູກສາວທັງ 7 ຄົນ ມາພົບ ເປັນການດ່ວນ (ລູກສາວ 7 ຄົນແມ່ນແທນໃຫ້ 7 ວັນ ໃນອາທິດຫນື່ງ) ຄື:

1. ນາງ ສະເທວີ (ວັນອາທິດຂີ່ຄຸດ),
2. ນາງ ໂຄລະຄະເທວີ (ວັນຈັນຂີ່ເສືອ),
3. ນາງ ຮາກສະເທວີ (ວັນອັງຄານຂີ່ຫມູ),
4. ນາງ ມົນທາເວທີ (ວັນພຸດຂີ່ມ້າລໍ),
5. ນາງ ກິລິນີ ເທວີ (ວັນພະຫັດ ຂີ່ຊ້າງ),
6. ນາງ ກິມີຫາເທວີ (ວັນສຸກ ຂີ່ຄວາຍ),
7. ນາງ ມະໂຫທອນ ເທວີ (ວັນເສົາ ຂີ່ນົກຍູງ),

ເມື່ອທັງ 7 ນາງ ພ້ອມຫນ້າພ້ອມຕາກັນແລ້ວ ຜູ້ເປັນພໍ່ຈິ່ງສັ່ງຄວາມວ່າ ຕອນພໍ່ຖືກຕັດຄໍໃຫ້ພວກລູກເອົາຖາດຄໍາ

ມາຮອງຮັບບໍ່ໃຫ້ເລືອດ ແລະ ຫົວຂອງພໍ່ຕົກລົງດິນ ຈາກນັ້ນ ໃຫ້ຫອບໄວ້ ຢູ່ໃນຖ້ຳເຂົາສຸເມນໂນລາດ ເມື່ອເຖິງເດືອນ

ຫ້າຟ້າລ່ວງ ຫລື ກຸດສົງການປີໃດ ຖ້າສັງຂານລ່ວງຖືກມື້ໃດ ໃຫ້ລູກສາວປະຈຳວັນນັ້ນ ( ຫລື ນາງສັງຂານ) ຂີ່ສັດພາຫະນະຂອງຕົນ ໄປແຫ່ເອົາຫົວພໍ່ອອກຈາກຖ້ຳ ເພື່ອຫົດສົງ ສວ່າຍລ້າງ ດ້ວຍນ້ຳອົບນ້ຳຫອມໃຫ້ສະອາດ ແລ້ວນຳໄປໄວ້ບ່ອນເກົ່າ ຍ້ອນແນວນັ້ນເອງ ເມື່ອຮອດກຸດສົງການປີໃຫມ່ ແຕ່ລະປີປະຊາຊົນລາວພວກເຮົາຈິ່ງເອົານ້ຳອົບ ນ້ຳຫອມ ຫລື ນ້ຳດອກໄມ້ ໄປຫົດສົງພະພຸດທະຮູບ, ຫົດສົງ ພໍ່ແມ່ເຖົ້າແກ່ ຄູບາອາຈານ ແລະ ຍາດຕິພີ່ນ້ອງ ເພື່ອນຝູງ ເພື່ອຄວາມເປັນສິລິມົງຄຸນ ສືບຕໍ່ກັນມາຈົນເຖິງປັດຈຸບັນ.

ຖືຕາມເທບນິຍາຍນີ້ ຊາວເມືອງຫລວງພະບາງ ກ່ອນກຸດສົງການຈະມາເຖິງ ຈຶ່ງມີການເລືອກເອົານາງສາວ ທີ່ຍັງເປັນຍິງ ພົມມະຈັນ ທີ່ງາມກວ່າໝູ່ ມີຄຸນສົມບັດດີກວ່າໝູ່ຂື້ນເປັນນາງສັງຂານ ແລະ ໃຫ້ຂື້ນນັ່ງຢູ່ເທິງລົດໃນຍາມແຫ່ຫວໍ່ ນາງສັງ ຂານ ຄົນນີ້ຈະຄອງຕຳແຫນ່ງເປັນເວລາ 1 ປີ ຈົນເຖິງກຸດສົງການຮອບໃຫມ່ກໍເລືອກເອົານາງສັງຂານຄົນໃຫມ່ ແລະ ປະເພນີນີ້ໄດ້ປະຕິບັດເປັນປະຈຳໃນແຕ່ລະປີ.

ເທບນິຍາຍພະຍາກາບິນລະພົມ ແລະ ທຳມະບານກຸມມານ ເປັນປິດສະຫນາຂອງຄົນບູຮານ ທີ່ສອນໃຫ້ພວກເຮົາຮັກສາ ສິ່ງແວດລ້ອມເອົາໄວ້ບໍ່ໃຫ້ຖືກທຳລາຍ ເພື່ອຮັກສາສະມາດູນຂອງທຳມະຊາດ ຫົວຂອງກາບິນລະພົມ ກໍຄືປ່າໄມ້ລຳເນົາໄພ ເລືອດກໍຄືສາຍນ້ຳ ຖ້າປ່າໄມ້ລຳເນົາໄພຖືກທຳລາຍ ແຫລ່ງນ້ຳກໍຈະເຫືອດແຫ້ງ ເກີດໄພແຫ້ງແລ້ງໄປທົ່ວ ເຫມືອນໄຟມະໄລ ໄໝ້ ໂລກນັ້ນເອງ ໃນເມື່ອເກີດແຫ້ງແລ້ງ ການຜະລິດກະສິກຳກໍບໍ່ໄດ້ ຄວາມອິດຢາກກໍເກີດຂື້ນ ເປັນໄພຂົ່ມຂູ່ມວນມະນຸດ ຢ່າງຮ້າຍແຮງ ສ່ວນທຳມະບານກຸມມານ ປຽບເຫມືອນຜູ້ປົກປັກຮັກສາສິ່ງແວດລ້ອມທຳມາບານ ພາສາບາລີ ແປວ່າ “ຜູ້ຮັກສາໄວ້ຊຶ່ງທຳນັ້ນເອງ.”

Credit: https://mobile.facebook.com/story.php?story_fbid=3756003831160069&id=1432681323492343&sfnsn=mo&_rdc=1&_rdr

ແຫຼ່ງຂໍ້ມູນ: https://kuanjailao.com/article/34775?fbclid=IwAR25O5yFvcJ8kBQrElQf6ZxWYLYcaKG4LngV5eSIuufMa1Dj-qvSmDDLFjk

ການບໍລິຫານເວລາຢ່າງມີປະສິດທິພາບ

ເວລາເປັນຊັບພະຍາກອນທີ່ມີຈໍາກັດ ແລະ ມີຄຸນຄ່າຫຼາຍທີ່ສຸດ, ໃນແຕ່ລະມື້ເຮົາມີເວລາ 24 ຊົ່ວໂມງເທົ່າກັນ ແລ້ວເຮົາຈະບໍລິຫານເວລາໃຫ້ມີປະສິດທິພາບໄດ້ຈັ່ງໃດ ການໃຊ້ເວລາຢ່າງມີປະສິດທິພາບບໍ່ໄດ້ໝາຍຄວາມວ່າການເຮັດວຽກໄດ້ຫຼາຍໆວຽກໃນມື້ໜຶ່ງ ແຕ່ ໝາຍເຖິງການໄດ້ເຮັດສິ່ງທີ່ສໍາຄັນຢ່າງຕໍ່ເນື່ອງ ແລະ ສະໝໍ່າສະເໝີ ເນື່ອງຈາກວຽກແຕ່ລະວຽກມີຄວາມສໍາຄັນບໍ່ເທົ່າກັນ ຫາກເຮົາຄິດວ່າວຽກໃດກໍສໍາຄັນຄືກັນໝົດຈົນລືມໂຟກັສກັບວຽກທີ່ສໍາຄັນກ່ອນກໍຈະເຮັດໃຫ້ເຮົາບໍລິຫານເວລາບໍ່ໄດ້ ແລະ ຫຍຸ້ງຢູ່ຕະຫຼອດເວລາ.

ສະນັ້ນມື້ນີ້ຕິກຈະນໍາສະເໜີ ເທັກນິກໃນການບໍລິຫານເວລາຢ່າງມີປະສິດທິພາບ

1. ຈໍາແນກວຽກງານດ້ວຍ Eisenhower Matrix

ຫຼັກການນີ້ມາຈາກ ປະທານາທິບໍດີສາຫະລັດອາເມລິກາຄົນທີ 34  Dwight D. Eisenhower ທ່ານຈະບໍລິຫານເວລາຕາມຄວາມສໍາຄັນ ແລະ ຄວາມຮີບດ່ວນຂອງງານ.

+ ງານທີ່ສໍາຄັນ: ແມ່ນສິ່ງທີ່ເຮັດແລ້ວມີຜົນຕໍ່ຄວາມສໍາເລັດ ແລະ ເປົ້າໝາຍທີ່ຕັ້ງໄວ້.

+ ງານທີ່ຮີບດ່ວນ: ເປັນວຽກທີ່ຕ້ອງເຮັດໃນຂະນະນັ້ນ ບາງຄັ້ງກໍເປັນບັນຫາທີ່ເກີດມາໂດຍບໍ່ຄາດຄິດ.

ດັ່ງນັ້ນ Eisenhower Matrix ມີ 4 ຫ້ອງຄື:

1. ງານທີ່ສໍາຄັນ ແລະ ຮີບດ່ວນ: ໃຫ້ເຮົາຮີບເຮັດວຽກນີ້ກ່ອນ ແລະ ເຮັດໃຫ້ມັນອອກມາດີທີ່ສຸດ ຕົວຢ່າງ: ວຽກບ້ານ ຫຼື ບົດຝຶກຫັດທີ່ຕ້ອງສົ່ງໄວໆນີ້, ວິກິດສ່ວນຕົວ-ຄວາມເຈັບປ່ວຍ ຫຼື ບັນຫາຄອບຄົວ , ວຽກເຮືອນ/ຫໍພັກ…

2. ງານທີ່ສໍາຄັນ ແຕ່ບໍ່ຮີບດ່ວນ: ເປັນວຽກທີ່ສໍາຄັນ ແລະ ມີເວລາຍາວນານໃນການເຮັດ (ເປົ້າໝາຍໄລຍະຍາວ) ໃຫ້ເຮົາຫາເວລາເຮັດ ຕົວຢ່າງ: ການອອກກໍາລັງກາຍ, ວາງແຜນໄປຮຽນຕໍ່ຕ່າງປະເທດ , ພາຄອບຄົວໄປທ່ຽວ…

3. ບໍ່ສໍາຄັນ ແຕ່ຮີບດ່ວນ: ຈະເປັນພວກກິດຈະກໍາ ຫຼື ສິ່ງກີດຂວາງ ຕົວຢ່າງ: ການຕອບແຊັດ, ໝູ່ມາຂໍໃຫ້ຊ່ວຍແກ້ວຽກບ້ານທີ່ຕ້ອງສົ່ງມື້ອື່ນ… ວຽກພວກນີ້ໃຫ້ຫຼຸດຜ່ອນ ແລະ ມອບໝາຍວຽກໃຫ້ຄົນອື່ນຊ່ວຍ.

4. ບໍ່ສໍາຄັນ ແລະ ບໍ່ຮີບດ່ວນ: ຄວນຫຼີກລ້ຽງ ແລະ ເຮັດຕອນທີ່ມີເວລາວ່າງ ເຊັ່ນ: ການເບິ່ງໂທລະທັດ, ຫຼິ້ນເຟສ….

2. ເຮັດ To Do List

ແຕ່ລະມື້ໃຫ້ເຮົາຂຽນອອກມາວ່າມື້ນີ້ ຈັກໂມງ ຫາ ຈັກໂມງເຮົາຈະເຮັດຫຍັງ ແລະ ປະຕິບັດຕາມນັ້ນ

3. ຫາເວລາພັກຜ່ອນ

ຫຼັງຈາກຕັ້ງໜ້າຕັ້ງຕາເຮັດວຽກແລະ ແຕ່ລະມື້ພາຍະຍາມຫາເວລາພັກຜ່ອນສາຍຕາຢ່າງນ້ອຍ 10 ນາທິ ເພື່ອໃຫ້ສາຍຕາ ແລະ ສະໝອງໄດ້ພັກຜ່ອນ ແລະ ຟື້ນຕົວເພື່ອຈະຈື່ຈໍາໄດ້ດີຂື້ນ

4. ປະເມີນແລະປັບປຸງໃຫ້ດີຂື້ນ

ເຮັດຕາຕະລາງປະເມີນຜົນການເຮັດວຽກເປັນປະຈໍາ ເພື່ອຈະໄດ້ຮູ້ວ່າໂຕເອງດໍາເນີນວຽກງານຮອດຂັ້ນໃດ ເພື່ອຈະໄດ້ມີເວລາໄປເຮັດໃນສິ່ງທີ່ສໍາຄັນຫຼາຍຂື້ນ ແລະ ຫຼຸດການເຮັດສິ່ງບໍ່ຈໍາເປັນລົງ.

ລອງນໍາວິທີເຫຼົ່ານີ້ໄປໃຊ້ໃນການບໍລິຫານເວລາຂອງພວກທ່ານເບິ່ງເດີ້ ຮັບຮອງວ່າທ່ານຈະມີການບໍລິຫານເວລາທີ່ດີຂື້ນແນ່ນອນ.

ຂອບໃຈທີ່ອ່ານຈົນຈົບ🙏

Credit: https://bit.ly/3wrImK4

ຮຽບຮຽງໂດຍ: ເຈດຈໍານົງ ວົງພັນສີ

7ວິທີເພີ່ມນໍ້າໜັກ

ໃນຍຸກນີ້ເປັນຍຸກແຫ່ງການຮັກສາສຸຂະພາບມາແຮງ, ຈຶ່ງເຮັດໃຫ້ໜຸ່ມໆສາວໆຫັນມາໃຫ້ຄວາມສົນໃຈໃນການຮັກສາສຸຂະພາບຫຼາຍຂື້ນ, ເຖິງຂັ້ນຫາວິທີການຕ່າງໆ​ເພື່ອຫຼຸດນໍ້າໜັກໃຫ້ໄດ້ປະສິດທິພາບ, ອອກກໍາລັງ ຫຼື ເຂົ້າຟິດເນັດ, ກິນອາຫານຄຣີນເພື່ອຄຸມອາຫານ, ແຕ່ກະມີຄົນອີກກຸ່ມໜຶ່ງຢາກເພີ່ມນໍ້າໜັກເພື່ອໃຫ້ຫຸ່ນສົມສ່ວນຫຼາຍຂື້ນ ເພາະຍັງມີຮູບຮ່າງຈ່ອຍບາງເກີນໄປ.

ສ່ວນຫຼາຍມີແຕ່ເຫັນເຂົ້າເຈົ້າມັກແຊຣວິທີຫຼຸດນໍ້າໜັກ, ແຕ່ບໍ່ຄ່ອຍມີໃຜບອກສູດສໍາຫຼັບຄົນຈ່ອຍ ຢາກຕຸ້ຍ ຫຼື ເພີ່ມນໍ້າໜັກເລີຍ😂 ລົມພັດກະຈະປິວແລ້ວ…

ບໍ່ອ້ອມຄ້ອມແລ້ວ ໃຜຢາກຕຸ້ຍ ຫຼື ຢາກເພີ່ມນໍ້າໜັກຍົກມື້ຂື້ນ !!! ສາວໆ ຫຼື ໃຜທີ່ຢາກເພີ່ມນໍ້າໜັກເຂົ້າມາອ່ານທາງນີ້ເລີຍ👇

• 7 ວິທີເພີ່ມນໍ້າໜັກ

1. ກວດເຊັກສຸຂະພາບ

ເຊັກສຸຂະພາບໃນທີ່ນີ້ແມ່ນ ກວດເບິ່ງວ່າໂຕເອງມີໂລກປະຈໍາໂຕຫຍັງບໍ່ ຕົວຢ່າງ: ໂລກກະເພາະ, ລໍາໄສ້ເຮັດວຽກບໍ່ໄດ້ດີ ຈຶ່ງເຮັດໃຫ້ລະບົບຍ່ອຍອາຫານມີຄວາມຜິດປົກກະຕິ ເພາະໂລກຕ່າງໆເຫຼົ່ານີ້ຈະເຮັດໃຫ້ເຮົາກິນເທົ່າໃດກະບໍ່ຕຸ້ຍ, ແຕ່ຖ້າຫາກສາເຫດທີ່ເຈົ້າຈ່ອຍ ມາຈາກກໍາມະພັນແລ້ວ ຄົງຈະເປັນວຽກໜັກຂອງເຮົາທີ່ຈະຕ້ອງກິນໃຫ້ຫຼາຍຂື້ນແລ້ວແຫຼະ 555

2. ຢ່າກິນເຂົ້າ ແລະ ນໍ້າພ້ອມກັນ

ຖ້າເຈົ້າເປັນຄົນກິນໜ້ອຍ, ກິນຄໍາ ສອງຄໍາກະອີ່ມ ແຫ່ງບໍ່ຕ້ອງໄປກິນນໍ້າໃນເວລາທີ່ກິນເຂົ້າ ເພາະແຫ່ງຈະເຮັດໃຫ້ເຈົ້າອີ່ມໄວ ໂດຍທີ່ສານອາຫານຕ່າງໆບໍ່ໄດ້ໃຫ້ປະໂຫຍດຫຍັງກັບຮ່າງກາຍຂອງເຈົ້າ.

3. ເພີ່ມຈໍານວນຄາບອາຫານ

ພະຍາຍາມກິນໃຫ້ຫຼາຍຂື້ນ ແລະ ຄ່ອຍໆເພີ່ມຄາບອາຫານຈາກ 3ຄາບ ຫາ 5ຄາບ, ອີກບໍ່ດົນນໍ້າໜັກກໍຈະເພີ່ມຂື້ນແນ່ນອນ.

4. ເພີ່ມໂປຣຕິນ

ການກິນອາຫານທີ່ມີໂປຣຕິນຈະຊ່ວຍເສີມສ້າງກ້າມເນື້ອ ແລະ ເຮັດໃຫ້ນໍ້າໜັກເພີ່ມຂື້ນ ສະນັ້ນໃນແຕ່ລະມື້ຈຶ່ງຈໍາເປັນຕ້ອງໄດ້ເພີ່ມໂປຣຕິນໃຫ້ຫຼາຍຂື້ນ ເຊິ່ງອາດຈະເປັນໂປຣຕິນຈາກຊີ້ນສັດ ຫຼື ໂປຣຕິນຈາກພືດກໍໄດ້, ແຕ່ສໍາຫຼັບໃຜທີ່ບໍ່ຢາກໄດ້ໄຂມັນສ່ວນເກີນເປັນຂອງແຖມມານໍາ ກໍແນະນໍາໃຫ້ກິນໂປຣຕິນຈາກຊີ້ນປາ ແລະ ພືດຜັກຈະດີທີ່ສຸດ ໂດຍສະເພາະໂປຣຕິນຈາກທົ່ວເຫຼືອງ.

5. ອາຫານຕ້ອງແຊບ

ການກິນອາຫານຢ່າງມີຄວາມສຸກ ແລະ ກິນໄດ້ຕະຫຼອດເວລາ ຄືການກິນອາຫານທີ່ແຊບ, ພະຍາຍາມຊອກກິນອາຫານທີ່ບໍ່ເຄີຍກິນມາກ່ອນ, ຢ່າກິນອາຫານແນວເກົ່າຊໍ້າໆ ເພາະຈະເຮັດໃຫ້ເບື່ອ ແລະ ເປັນສາເຫດເຮັດໃຫ້ບໍ່ຢາກເຂົ້າໄປພ້ອມ.

6. ຢ່າເພີ່ມນໍ້າໜັກດ້ວຍການກິນໄຂມັນ

ບາງຄົນຄິດວ່າ ກິນອາຫານມັນໆ ແລະ ອາຫານຫວານຈະເຮັດໃຫ້ນໍ້າໜັກເພີ່ມ, ຈະຕຸ້ຍຂື້ນໄວທີ່ສຸດ, ເຊິ່ງມັນກະເຮັດໃຫ້ຕຸ້ຍຂື້ນຈິງໆ ແຕ່ບໍ່ມີຜົນດີຕໍ່ສຸຂະພາບ ເຊິ່ງອາດຈະສົ່ງກະທົບດ້ານລົບຕໍ່ສຸຂະພາບໃນໄລຍະຍາວ.

7. ນອນໃຫ້ພຽງພໍ

ແລະ ສິ່ງສໍາຄັນເລີຍກະຄືການພັກຜ່ອນໃຫ້ພຽງພໍ ເພາະລະບົບຕ່າງໆໃນຮ່າງກາຍຂອງເຮົາຈະເຮັດວຽກໄດ້ຢ່າງມີປະສິດທິພາບ, ຍັງເຮັດໃຫ້ລະບົບຍ່ອຍອາຫານ ແລະ ລະບົບຂັບຖ່າຍເຮັດວຽກໄດ້ດີອີກດ້ວຍ.

ຖ້າໃຜຕ້ອງການເພີ່ມນໍ້າໜັກ ແລະ ຢ່າງມີຫຸ່ນທີ່ສົມສ່ວນຂື້ນ ລອງນໍາເອົາ 7 ວິທີດັງກ່າວໄປປະຕິບັດເບິ່ງ, ຮັບຮອງວ່າໄດ້ຜົນແນ່ນອນ, ນອກຈາກໃຜທີ່ກິນເຂົ້າໄປຫຼາຍໆແຕ່ບໍ່ຕຸ້ຍຈັກເທື່ອ ແນະນໍາໃຫ້ໄປປຶກສາແພດ ແລະ ກິນວິຕາມິນເສີມເຂົ້າໄປເພື່ອໃຫ້ໄດ້ຜົນຫຍິ່ງຂື້ນ.

ຂອບໃຈທີ່ເຂົ້າມາອ່ານຈົນຈົບ🙏

ແຫຼ່ງຂໍ້ມູນ: https://www.sanook.com/women/66559/

Credit: https://www.wongnai.com/beauty-tips/need-fat-fat-big-size-fat-need

ແປ ແລະ ຮຽບຮຽງໂດຍ: ເຈດຈໍານົງ ວົງພັນສີ

5ເຄັດລັບຫຼຸດນໍ້າໜັກ

ເຄັດລັບຫຼຸດນໍ້າໜັກຈະກາຍເປັນເຄັດບໍ່ລັບອີກຕໍ່ໄປ, ມື້ນີ້ຕິກຈະເອົາ5ເຄັດລັບຫຼຸດນໍ້າໜັກທີ່ໄດ້ຜົນ, ປະຕິບັດງ່າຍ ເຊິ່ງສາມາດປັບໄດ້ຈາກການກິນມາແຊຣ😂

ການຫຼຸດນໍ້າໜັກເປັນສິ່ງທີ່ຫຼາຍໆຄົນມັກຄົ້ນຫາວິທີການຕ່າງໆຢ່າງຫຼວງຫຼາຍເພື່ອນໍາມາໃຊ້ຫຼຸດນໍ້າໜັກໃຫ້ໄດ້, ແຕ່ເມື່ອນໍາເອົາວິທີ່ເຫຼົ່ານັ້ນມາປະຕິບັດແທ້ໆແລ້ວ ພັດບໍ່ສາມາດຫຼຸດນໍ້າໜັກໄດ້ຈັກເທື່ອ, ອີກຢ່າງໜຶ່ງ ຖ້າປ່ອຍໄວ້ດົນກໍຈະເຮັດໃຫ້ມີຜົນເສຍຕໍ່ສຸຂະພາບ, ມື້ນີ້ຕິກເລີຍຈະມາແນະນໍາສູດລັບໃນການຫຼຸດນໍ້າໜັັກໃນແບບທີ່ໄດ້ຜົນມາຝາກ, ວ່າແຕ່ຈະມີສູດລັບໃດນັ້ນໄປເບິ່ງກັນເລີຍ

1. ດື່ມນໍ້າໃນຕອນເຊົ້າ

ເນື່ອງຈາກການດື່ມນໍ້າຈະສາມາດກໍາຈັດສານພິດທີ່ຢູ່ໃນຮ່າງກາຍໃຫ້ອອກໄປໄດ້ , ຍັງຊ່ວຍເສີມສ້າງການເຮັດວຽກຂອງລະບົບເຜົາຜານໄຂມັນຕ່າງໆ ຈຶ່ງຊ່ວຍເຮັດໃຫ້ເຮົາມີຫຸ່ນດີ ແລະ ມີສຸຂະພາບທີ່ດີຈາກການດື່ມນໍ້າອີກດ້ວຍ.

2. ຢ່າອົດອາຫານເຊົ້າເດັດຂາດ

ເພາະອາຫານເຊົ້າເປັນຄາບອາຫານທີ່ສໍາຄັນທີ່ສຸດ ທີ່ຈະຊ່ວຍຫຼຸດຄວາມຫິວໃນຄາບຕ່າງໆລະຫວ່າງວັນໄດ້ເປັນຢ່າງດີ, ນອກຈາກນີ້ຍັງມີຜົນການວິໄຈທີ່ບອກວ່າ: ” ຄົນທີ່ກິນເຂົ້າເຊົ້າ ຈະມີຄວາມຕື່ນຕົວ ແລະ ເຮັດສິ່ງຕ່າງໆໄດ້ດີກວ່າການກິນເຂົ້າສວຍ ແລະ ແລງ”

3. ກິນອາຫານທີ່ມີໂປຣຕິນໃຫ້ຫຼາຍຂື້ນ

ໂປຣຕິນຄືໜຶ່ງໃນບັນດາອາຫານທີ່ມີຄວາມສໍາຄັນຕໍ່ຮ່າງກາຍ ແລະ ໂປຣຕິນກໍຖືກຍ່ອຍສະຫຼາຍຊ້າທີ່ສຸດ ແຖມຍັງຢູ່ໃນກະເພາະອາຫານໄດ້ດົນກວ່າ ຄຣາໂບໄຮເດຣດ ແລະ ໄຂມັນ ຈຶ່ງເຮັດໃຫ້ເປັນຜົນດີຕໍ່ການຄວບຄຸມນໍ້າໜັກ , ທີ່ຈະເຮັດໃຫ້ເຮົາຮູ້ສຶກອີ່ມດົນຂື້ນ, ທາງທີ່ດີເຮົາຄວນງົດການກິນອາຫານທີ່ເປັນຂະໜົມຈຸບຈິບໃຫ້ນອຍລົງ ແລ້ວປ່ຽນມາຮັບປະທານອາຫານທີ່ເປັນໂປຣຕິນໃຫ້ຫຼາຍຂື້ນກໍຈະເຮັດໃຫ້ເຮົາມີຫຸ່ນດີໄດ້ໄວໆນີ້

4. ກິນໝາກໄມ້ເປັນປະຈໍາ(ທຸກມື້)

ເນື່ອງຈາກນໍ້າ ແລະ ໄຍອາຫານໃນໝາກໄມ້ຈະຊ່ວຍໃຫ້ເຮົາອີ່ມທ້ອງໄດ້ງ່າຍຂື້ນ ແລະ ຍັງມີ ແຄຣວຣໍຣີຕໍ່າ ຈຶ່ງເປັນຕົວຊ່ວຍທີ່ດີໃນການຫຼຸດນໍ້າໜັກ, ແລະ ອີກຢ່າງການກິນໝາກໄມ້ຍັງເປັນການຊ່ວຍຫຼຸດຄວາມຢາກອາຫານລົງອີກດ້ວຍ, ແຕ່ເຮົາຄວນເລືອກກິນໝາກໄມ້ທີ່ມີທາດນໍ້າຕານໜ້ອຍ, ຫຼີກລ່ຽງໝາກໄມ້ສຸກເກີນໄປ, ເນື່ອງຈາກປະລິມານນໍ້າຕານທີ່ມີສູງໃນໝາກໄມ້ສຸກອາດເຮັດໃຫ້ເຮົາອ້ວນຂື້ນໄດ້.

5. ກິນຜັກຢ່າງສະໝໍ່າສະເໝີ

ເນື່ອງຈາກຜັກເປັນອາຫານທີ່ມີໄຍອາຫານຫຼາຍທີ່ສຸດ ແລະ ຍັງບໍ່ມີປະລິມານນໍ້າຕານມາກວນໃຈ ຈຶ່ງເໝາະສໍາລັບຄົນທີ່ຕ້ອງການຢາກຫຼຸດນໍ້າໜັກ ແລະ ຄວບຄຸມອາຫານ ແລະ ທີ່ສໍາຄັນໃນຄາບອາຫານທຸກໆຄາບ ຄວນມີເມນູຜັກຢູ່ນໍາສະເໝີ ເພາະນອກຈາກຈະເຮັດໃຫ້ເຮົາມີລະບົບຂັບຖ່າຍທີ່ດີແລ້ວ ຍັງເຮັດໃຫ້ເຮົາມີຫຸ່ນທີ່ງາມ, ຈ່ອຍ ພຽວ ລຽວ ເຟີມ ອີກດ້ວຍ ແຮ໋ແຮ໋🤭

ສໍາຫຼັບວິທີການຫຼຸດນໍ້າໜັກທີ່ກ່າວໄປຂ້າງເທິງນັ້ນ ເປັນອີກວິທີທີ່ເຮົາສາມາດນໍາໄປໃຊ້ໃນການຫຼຸດນໍ້າໜັກໄດ້ ແຖມຍັງເປັນວິທີທີ່ປອດໄພ ແລະ ບໍ່ສົ່ງຜົນກະທົບດ້ານລົບໃດໆຕໍ່ຮ່າງການ , ເຮັດໃຫ້ມີຫຸ່ນດີ ແລະ ສຸຂະພາບແຂງແຮງອີກດ້ວຍ

ແຫຼ່ງຂໍ້ມູນ: https://www.sanook.com/women/164793/

Credit: https://www.sanook.com/women/164793/

ແປ ແລະ ຮຽບຮຽງໂດຍ: ເຈດຈໍານົງ ວົງພັນສີ

Introduce Yourself (Example Post)

This is an example post, originally published as part of Blogging University. Enroll in one of our ten programs, and start your blog right.

You’re going to publish a post today. Don’t worry about how your blog looks. Don’t worry if you haven’t given it a name yet, or you’re feeling overwhelmed. Just click the “New Post” button, and tell us why you’re here.

Why do this?

• Because it gives new readers context. What are you about? Why should they read your blog?
• Because it will help you focus your own ideas about your blog and what you’d like to do with it.

The post can be short or long, a personal intro to your life or a bloggy mission statement, a manifesto for the future or a simple outline of your the types of things you hope to publish.

To help you get started, here are a few questions:

• Why are you blogging publicly, rather than keeping a personal journal?
• What topics do you think you’ll write about?
• Who would you love to connect with via your blog?
• If you blog successfully throughout the next year, what would you hope to have accomplished?

You’re not locked into any of this; one of the wonderful things about blogs is how they constantly evolve as we learn, grow, and interact with one another — but it’s good to know where and why you started, and articulating your goals may just give you a few other post ideas.

Can’t think how to get started? Just write the first thing that pops into your head. Anne Lamott, author of a book on writing we love, says that you need to give yourself permission to write a “crappy first draft”. Anne makes a great point — just start writing, and worry about editing it later.

When you’re ready to publish, give your post three to five tags that describe your blog’s focus — writing, photography, fiction, parenting, food, cars, movies, sports, whatever. These tags will help others who care about your topics find you in the Reader. Make sure one of the tags is “zerotohero,” so other new bloggers can find you, too.

Introduce Yourself (Example Post)

This is an example post, originally published as part of Blogging University. Enroll in one of our ten programs, and start your blog right.

You’re going to publish a post today. Don’t worry about how your blog looks. Don’t worry if you haven’t given it a name yet, or you’re feeling overwhelmed. Just click the “New Post” button, and tell us why you’re here.

Why do this?

• Because it gives new readers context. What are you about? Why should they read your blog?
• Because it will help you focus your own ideas about your blog and what you’d like to do with it.

The post can be short or long, a personal intro to your life or a bloggy mission statement, a manifesto for the future or a simple outline of your the types of things you hope to publish.

To help you get started, here are a few questions:

• Why are you blogging publicly, rather than keeping a personal journal?
• What topics do you think you’ll write about?
• Who would you love to connect with via your blog?
• If you blog successfully throughout the next year, what would you hope to have accomplished?

You’re not locked into any of this; one of the wonderful things about blogs is how they constantly evolve as we learn, grow, and interact with one another — but it’s good to know where and why you started, and articulating your goals may just give you a few other post ideas.

Can’t think how to get started? Just write the first thing that pops into your head. Anne Lamott, author of a book on writing we love, says that you need to give yourself permission to write a “crappy first draft”. Anne makes a great point — just start writing, and worry about editing it later.

When you’re ready to publish, give your post three to five tags that describe your blog’s focus — writing, photography, fiction, parenting, food, cars, movies, sports, whatever. These tags will help others who care about your topics find you in the Reader. Make sure one of the tags is “zerotohero,” so other new bloggers can find you, too.

Introduce Yourself (Example Post)

This is an example post, originally published as part of Blogging University. Enroll in one of our ten programs, and start your blog right.

You’re going to publish a post today. Don’t worry about how your blog looks. Don’t worry if you haven’t given it a name yet, or you’re feeling overwhelmed. Just click the “New Post” button, and tell us why you’re here.

Why do this?

• Because it gives new readers context. What are you about? Why should they read your blog?
• Because it will help you focus your own ideas about your blog and what you’d like to do with it.

The post can be short or long, a personal intro to your life or a bloggy mission statement, a manifesto for the future or a simple outline of your the types of things you hope to publish.

To help you get started, here are a few questions:

• Why are you blogging publicly, rather than keeping a personal journal?
• What topics do you think you’ll write about?
• Who would you love to connect with via your blog?
• If you blog successfully throughout the next year, what would you hope to have accomplished?

You’re not locked into any of this; one of the wonderful things about blogs is how they constantly evolve as we learn, grow, and interact with one another — but it’s good to know where and why you started, and articulating your goals may just give you a few other post ideas.

Can’t think how to get started? Just write the first thing that pops into your head. Anne Lamott, author of a book on writing we love, says that you need to give yourself permission to write a “crappy first draft”. Anne makes a great point — just start writing, and worry about editing it later.

When you’re ready to publish, give your post three to five tags that describe your blog’s focus — writing, photography, fiction, parenting, food, cars, movies, sports, whatever. These tags will help others who care about your topics find you in the Reader. Make sure one of the tags is “zerotohero,” so other new bloggers can find you, too.